اعمل الخير

تاريخ التسجيل : 17/05/2013

بقلم : عبد الستار زيدان
اعمل الخير .. وارميه
*************
اعمل الخير .. وارميه
يرجع لك والحب فوقيه
سيبه لولدك . لا تندم
يلقى الناس كلها حواليه
وكل الفلوس ما هتغنيه ..
عن سؤال الناس عليه

اعمل الخير ....وارميه

حب الخير لك ولغيرك
تلقى الرضا بأساريرك
واصبرع الحرمان بأوان
وللناس .. صفي ضميرك
تلقى اشواكك ... حريرك
وغير نصيبك ما هتلاقيه .

اعمل الخير وارميه

وان ضاقت يوم عليك
وما عاد حيله بايديك
هتلقى قلب يحنّ عليك
وعملك للخير ..هايفديك
ومن غير ما نشكى يحس بيك
ايدك بايده .. ها ترضيه

واعمل الخير ... وارميه

اعمل الخير ... وانساه
أكيد ف يوم . ها تلقاه
ينور لك .. ليل حزين
ويهوّن عليك . كل أساه
وجرحك تلقى الصبر معاه
وتقدر عليه ... وتطويه

واعمل الخير ... وارميه